हाम्रो बारेमा

अझ प्रभावकारी सीप विकास प्रणालीको लागि सार्वजनिक-निजी साझेदारी

माग र आपुर्ति बीचको अन्तर कम भएमा मात्रै नेपाल सम्वृद्ध हुनेछ। सार्वजनिक-निजी साझेदारी मार्फत दक्षताले श्रम बजारमा रहेको माग र आपूर्ति बीचको अन्तरलाई पुर्ति गर्नको लागि उच्च गुणस्तरीय सीप विकास कार्यक्रम सञ्चालनको लागि सरकार, रोजगारदाता र शैक्षिक तथा तालिम प्रदायक संस्थाहरूको साझा जिम्मेवारीलाई प्रवर्दन गर्दछ। 

सबैको लागि  लाभ

तालिम तथा अर्थपुर्ण जीविकोपार्जनमा युवाको सहज पहुँच स्थापित भई उनीहरुलाई रोजगारीका अवसर प्राप्त हुने अवस्था नेपालको सीप विकास प्रणालीमा ल्याउनु  हाम्रो परिदृश्य हो।  

श्रमिकको आपुर्ति र माग सम्बन्धी सुचनामा रोजगारदाताहरूको पहुँच अभिवृद्धि भएकाले व्यवसाय वृद्धिको लागि योजना निर्माण गर्न तथा आफ्नो आवश्यकता अनुरूप योग्यता र दक्षता भएका  कर्मचारी भर्ना गर्न सक्षम छन। रोजगारदातालेले महत्व दिएका तथा प्रशिक्षार्थीहरुले छनोट गरे बमोजिमका सान्दर्भिक तालिमहरू उद्योगसँगको सहकार्यमा सञ्चालन गरेर तालिम प्रदायकहरूले प्रगति गरिरहेका छन  र, सार्वजनिक लगानीको उच्चतम सदुपयोग गर्दै मुलुक सम्वृद्ध भविष्य निर्माणको आफ्नो प्रतिवद्धता पुरा गर्ने दिशातर्फ अगाडि बढिरहेको छ।  

 हाम्रा सहयात्री

दक्षता  शिक्षा, विज्ञान तथा प्रविधि मन्त्रालय, प्राविधिक शिक्षा तथा व्यावसायिक तालिम परिषद् (सिटीईभीटी) लगायतका सरकारी निकाय तथा निजी क्षेत्रका उद्योग वाणिज्य संघ, लघु उद्यम र प्राविधिक तालिम प्रदायकहरूका साथै विभिन्न स्थानीय तहरुसँगको सहकार्यमा सन्चालित रहेको छ ।

ब्रिटिश काउन्सिलद्वारा प्राविधिक शिक्षा तथा व्यावसायिक तालिम परिषद् (सिटीईभीटी) सँगको साझेदारीमा व्यवस्थापन गरिएको दक्षता  परियोजना नेपालमा युरोपियन युनियनको आर्थिक सहायतामा सन्चालित टीभीईटी व्यावहारिक साझेदारी कार्यक्रमको एक हिस्सा हो ।